|
INCHIUVATU LYRICS
"Addisiu" (1997)
1. Veni
2. Inchiuvatu
3. Cu Sangu A L'occhi
4. Ave Matri
5. Addisiu
6. Castiu Di Diu
7. Lu Jocu Di Li Spiddi
8. Nenia
9. Unia
10. Cristu Crastu
11. Quiete Morente
12. Lu Jaddinu Di Lu Piaciri
13. Luciferu Re
1. Veni
Veni na lu jaddinu dill’eleganza
la fata pi tia ora danza
l’aria potta la so nenia
Addisia la so luxuria
Veni cu tia li fati vonnu jucari
Cu lu to cori cecchi l’amuri
Na li to spaddi cruci a puttari
Na lu regnu dill’INCHIUVATU
2. Inchiuvatu
Santu patri di lu ’nfernu
Salva lu to figghiu ca iddu mori ’ncruci
Levaci sti chiova chiantati pi la paci
Re iddu è
‘Ntesta curunatu di spini scunsacrati
Lu so tronu è na cruci...Inchiuvatu
Inchiuvatu a na cruci pi salvari li to ’nfami
Cielu niuru di odiu e sangu
Vennu vennu vennu i demuni do ’nfernu
Speccianu lu cori di lu figghiu santu
Sangu chianci a fiuredda
Sulu ti lassaru appizzatu a na cruci
Mottu inchiuvatu pi vuliri di li patri
Inchiuvatu a na cruci pi salvari li to ’nfami
’Ncurunatu cu li spini Re di nenti è u salvaturi
3. Cu Sangu A L'occhi
“Cu sangu a l’occhi liberariti po sulu la Motti”
Annaccura chi li riauli sunnu pronti pi jucari
Chiuri l’occhi in un mumentu
e unnai cchiuni dispiaciri
Ni lu regnu do signuri tuttu è bonu e binirittu
Tu la cruci a strascinari cu duviri e cu rispettu
Cruci di lignu cruci di ferru crui a puttari ni stu ’nfernu
Cu sangu a l’occhi tu a ddirari
Levami i chiova vogghiu muriri
Cu mi misi ni stu munnu nun pinsau a lu me
Duluri
Figghiu beddu di la matri chi ti runa tantu amuri
Comu un ciuri ’nta la rasta oramai tagghiati aiu li peri
Cu lu suli chi t’abbrucia aspittannu chi poi mori
Cu sangu a l’occhi
4. Ave Matri
“Pura”
Magica è la luna in ciel
Ti toccanu unn'è chi nun si pò
U signuruzzu ’n cruci ’npotti mai
Ti piaci stu chitiu rintra di tia
Japiti li cosci e addisia
Lu riaulu ti la licca e fai lu preu
Lu ciuri musciu s’attisau
Agghiuttiti st’addevu chi nasciu...Ave Matri
Fiuredda nura lassata ’nmezzu a li riauli assatanati
Avi la peddi bianca bianca senza macchia immaculata
Ni lu jaddinu di lu piaciri ora cunsuma lu piccatu
chiddu niatu di lu diu c’abbisugnau pi l’addeu
“Scappavi di lu cielu pì
Pruvari stu piaciri rintra di mia ”
La vergini tentata fu di suddisfari st’addisiu
“Astutami stu focu rintra di mia lu sentu rusicari lu sticchiu meu”
Lu ciuri musciu s’attisau agghiuttiti st’addevu rintra di tia...Ave Matri
“Pigghiatimi pigghiatimi e li vesti livatimi”
“Perversa anima mia niatu fu u piaciri meu
Lu me ciuri si cugghiu l’addisiu mi niau”
Maria... Ave Matri
“Picchì di lu criatu immaculata sugnu jo?”
Lu senti rintra di tia, t’avvampa lu piccatu
Accarezza la to peddi pi tia angelu tra li stiddi
Ti tocca, lu senti... Lu voi lu me piaciri?
Addisia la me luxuria...
Maria Maria, Ave Luxuria...
5. Addisiu
Addisiu chi li stiddi fannu lustru pi l’addevi
Chi la sotti l’accumpagna chi la notti sempri regna...ccà
Addisiu chi l’amuri scafunia na lu me cori
Supra ’altari nasci un ciuri supra a cruci mori amuri...ccà
No regnu do mali
Addisiu chi tu veni no jaddinu do piaciri
Chi li fati cu li curi ccà mi pottanu lu to cori...ccà
No regnu do mali... La cruci si potta ’ncoddu!
Addisiu arripusari no jaddinu do piaciri
Supra un ciuri li me ali no me cori lu me amuri... Tu
...No regnu do mali
6. Castiu Di Diu
Corra di lu diu chi stani na lu cielu
Gilusu iddu è di Luciferu Re
L’angiluzzu ’nmaliriciutu na lu ’nfernu sinni sta
E l’addevi nun lu sanno cu eni lu papà
“Li stiddi ’ncielu chi brillanu lu sannu
Cu è lu criaturi e a cu è chi appattennu
Lu mari ’nterra joca cu la rina e lu suli ’ncielu splenni”
Splenni lu criatu lu jaddinu e tuttu quantu
Unn'è chi s’ammucciau lu criaturi di stu sognu
Li cruci chiantati ’nterra hannu bisognu di novu sangu
Unnè chi s’ammucciau lu diu stancu?
Castiu di diu appizzatu a na cruci lu criatu ni fici
Castiu di diu stu munnu è l’infernu e cuntentu iddu è
7. Lu Jocu Di Li Spiddi
Si api na lu cielu na potta ’nmaliritta
Si api na la terra la fossa di li motti
Luna è no cielu sangu e focu sunnu pronti già
Agghiastru conza alivi ’nmaliritti
Agneddi spaccati hannu lu cori na li petti
Luna è no cielu tuttu è pronti pi lu jocu di li spiddi
Jocanu li spiddi all’incantisimu di lu sonnu toi
Lu focu senza faiddi avvampa no cielu pi ’nmiria a li stiddi
’Ntunnu ’ntunnu all’agghiastru maistru
Li spiddi dannati fannu la festa
Jocanu, ririnu, scaccanianu
Levanu ’u ciatu all’anima toi
Piscia sangu ’u cielu niuru
Vagna la to peddi pi lu jocu di li spiddi
Sfuttinu ’u signuruzzu appizzatu ’ncruci e i fiureddi
Jocanu cu la to anima sti spiddi frarici figghi di Satana
“Ave spirit non hai eleganza, nulla è la crirenza
Lu jocu e la to danza
Danza ni lu me cori, joca cu lu me amuri”
Jocanu sti spiddi frarici...
8. Nenia
Satana chianci l’addeu rintra la so culla
China di sangu di anmi innuccenti
Cantaci a nenia di la ninna-nanna
Picciliddi sunnu ’ncruci pi vuliri di lu patri
Supra ’altari nasci un ciuri
Supra ’a cruci mori amuri
Chianci chianci u bambineddu
Natu ni lu ’nfernu figghiu di cu ’ncielu si sta
9. Unia
Chi lacrimi brillanti carinu
A curruggiu di l’occhi toi
A lu suli poi iddi s’asciuganu
E la notti poi attacca arrè
Li sentu li fati ririri
Rintra di mia l’infernu c’è
Viola viola l’addevi jocanu
Mentri un ciuri appassirà
Sona ’a campana a motti
Pi la me anima accumpagnà
Na lu jaddinu di lu piaciri
Idda arriposa in eternità... Unia
Chi sonu malatu e frariciu
La unia pi cu sonirà
Ad ogni toccu lu cori fammu sta
Mentri un ciuri appassirà
Cu stu sonu ’nmalirittu
Iddu mi batti na lu pettu
In silenziu tocca a mia
In silenziu ora moru
10. Cristu Crastu
Cristu crastu...
Crastu di diu ni lu regnu è lu castiu
Nadur, Diodoferu...
Ni sta chirenza di li santi
Di la me vita nun sinni fa nenti
Toi sugnu toi Satana
Cristu crastu inchiuvatu pi salvari li to ’nfami
11. Quiete Morente
12. Lu Jaddinu Di Lu Piaciri
Ciauru di ciuri frarici siminati da lu maleficu
Fimmini cu l’incantisimu li to occhi fannu brillà
La notti m’attuppa l’occhi ruffiana mi potta ddà
’Nfatatu e lu jaddinu chi la me anima voli abbraccià
“Chiantu di la me anima lu cori meu malatu è
Ciauru di lu jaddinu chi li so piaciri ha
Li stiddi ’ncielu splenninu splenni lu criatu
Na lu jaddinu magicu chi ciauru chi c’è”
Chiantu di la me anima ’nafatatu fu lu cori meu
Sangu di l’occhi chianciu jo pi Diodoferu Re
Li fimmini ’nafatati ririnu
’Nmezzu li cosci ora si liccanu
Li fati di lu jaddinu su di Luciferu Re
Ammaliatu di lu richiamu si pi li fati lu to distinu è
Fannu l’amuri cu la to anima e li stiddi fannu brillà
13. Luciferu Re
“Lucifer play with stars
And he comes in my sunset of paper
He plays with Angilina
Lucifer plays with me...”
Ni lu regnu do signuri jocanu l’angileddi
Fannu un jocu cu li stiddi
Chiddi in cielu chiddi beddi
Pi l’addeu poi jucari cu la cruci spatti amuri
Ora a cumannu do signuri
Luciferu Re cacciatu di ’ncielu
Pi un jocu chi fici gilusu diu fu
No regnu ’nmalirittu iddu l‘ittau senza rispettu
Pi un jocu chi fici gilusu diu fu
Gilusu diu fu di lu criatu di Luciferu
Cu jocu joca gesù cuntentu di so pà
Lu criatu di cu è... Chi presto si sfasciau
Gilusu diu fu di Luciferu Re
Annaca c’annaca c’annaca l’addeu
Ca rommi ca sogna chi mori pi tia
In canciu di un jocu cchiù bellu
Stu munnu è l’infernu e cuntentu iddu è
Luciferu è lu Re ’ncuntrastatu
Figghiu di diu mottu inchiuvatu
Luciferu è lu criaturi do mari e do suli
E di chiddu chi c’è!
|
|
